जिला चित्रकूट, ब्लाक मऊ, गांव मैदाना। हिंया दस गांव का जोड़े वाला पुल तीन साल से टूट पड़ा हवै जेहिसे आये दिन दुर्घटना होत रहत हवै।चार साल से हिंया के सड़क भी ख़राब पड़ी हवैं पै पी.डब्ल्यू.डी. विभाग मा कइयौ दरकी दरखास दे के बाद भी ध्यान नहीं देत आहीं।
जिला पंचायत सदस्य अभिषेक का कहब हवै कि अबै बहुतै काम पड़े हवैं जउन बजट आवत हवै वहिके हिसाब से काम पूर कीन जात हवै।
धर्मनारायण बताइस कि 2008 से हिंया सड़क ख़राब पड़ी हवै बियावल गांव से नदी तक के ढाई किलोमीटर सड़क बहुतै ख़राब हवै सड़क मा बड़े-बड़े गड्ढ़ा हवै जेहिसे निकले मा बहुतै परेशानी होत हवै। मोहनलाल का कहब हवै कि पुल टूट होय से बूढ़ मड़ई अंधेरे मा गिर जात हवैं हिंया से रोज हजारों मड़ई निकलत हवै अउर कउनौ न कउनौ रोज घटना होत हवैं। सोनी बताइस कि कउनौ के तबियत ख़राब होय तौ या सड़क से निकलब मुश्किल होइ जात हवै। काहे से सड़क मा बड़े-बड़े ईटा पत्थर पड़े रहत हवैं।
बाईलाइन-सुनीता
04/10/2017 को प्रकाशित
