खबर लहरिया बुंदेलखंड दशहरा भी निकर गओ अंधियारे में

दशहरा भी निकर गओ अंधियारे में

फुंको ट्रान्सफारमर

फुंको ट्रान्सफारमर

जिला महोबा, ब्लाक कबरई, कस्बा श्रीनगर। एते लगभग पन्द्रह दिन से ट्रान्सफारमर फुंको परो हे। जभे कि आदमियन ने केऊ दइयां बिजली विभाग में जाके कहो हे, पे कोनऊ सुनवाई नई भई आय। जीसे अंधियारे में रहें खा मजबूर हें।
जानकी, राजू, रमेश ओर राधेश्याम ने बताओ कि हमाये मोहल्ला के साथे बांस पहाडि़या ओर मनोहर गंज मोहल्ला भी अंधियारे मे डूबे हें। पेहले तो बिजली की कटौती से परेशान रहत हते, पे अब पन्द्रह दिन से हमाई रात की नींद भी हराम हो गई हे। बिजली बिना तो हमाई नौ दुर्गा ओर दशहरा भी अंधियारे में निकर गओ हे। जभे कि केऊ दइयां बिजली विभाग में भी कहो हे, पे कोनऊ सुनवाई नई भई आय।
श्रीनगर के विद्युत उपगृह के एस.एस.ओ. भागीरथ ने बताओ कि हमे ट्रान्सफारमर फुंके की जानकारी मिली हती। 7 अक्टूबर 2013 खा ट्रान्सफारमर धराये के लाने हमने महोबा बिजली विभाग में जानकारी भेज दई हती। ओते ट्रान्सफारमर धरा दओ कि नई ईखी जानकारी मोये नइयां। जे.ई. एम.पी. सिंह से बात करी तो ऊने बताओ कि ओते दो तीन मे ट्रान्सफारमर धरा दओ जेहे।