तालाब परे सुखान, जानवर मरे पियासन

जिला बांदा, ब्लाक बिसण्डा, गांव पवई। हेंया के तीन तालाब, तीन ट्यूबवेल अउर एक नहर सुखान परे होय से जानवर पियासन भटकत हैं। मड़ई 21 अप्रैल का बी.डी.ओ. से तालाब मा पानी भरावै के मांग करिन है। नन्द किशोर मातादीन अउर
विष्णु सिंह का कहब है कि गांव मा तीन तालाब हैं सबै सुखान परे हैं। तीन ट्यूबवेल हैं उंई भी सुखान हैं। नहर भी है तौ वहिमा कतौ पानी नहीं आवा आय।। आपन जानवरन का पानी पिलावैं तीन किलोमीटर दूर उमरेहड़ा अउर बिलगंाव लई जात हैं। हम तालाबन मा पानी भरावै के मांग प्रधान सुशीला से करित है। हमार हेंया का प्रधान बीमार है। वा बीमारी के आड से कउनौ काम नहीं करावै। बिसण्डा ब्लाक का इन्चार्ज बी.डी.ओ. रविन्द्र कुमार कहिन कि गर्मी के शुरूवात मा ही पानी भरावै का काम शुरू होत है। या मारे 5 मई का अतर्रा एस.डी.एम. आदेष दिहिन हंै। जल्दी तालाब भरा दीन जई।