खबर लहरिया बुंदेलखंड चेक के लाने लगा दओ जाम

चेक के लाने लगा दओ जाम

सी.ओ., एस.डी.एम. किसानन से करत बातचीत

सी.ओ., एस.डी.एम. किसानन से करत बातचीत

जिला महोबा, ब्लाक कबरई, गांव चांदौ पचपहरा। एते के किसानन को आरोप हे कि हमाये गांव मे किसान खा चेक मुंह देखी बनाई हे।
हरदयाल ने बताओ कि 7 दिसम्बर 2014 खा मोई मताई प्रेमा खत्म हो गई हे। ऊखे नाम लेखपाल ने चेक बनाई हे। जभे कि हमने लेखपाल से पेहले बता दओ हतो। कहत हतो कि पांच सौ रूपइया देओ। हमने दो सौ रूपइया दओ हतो। फिर भी मताई के नाम तीन हजार सात सौ चवालिस रूपइया की चेक बना दई हे। जीसे ऊ नई भजत हे। प्रकाश बताउत हे कि मोई तेरह बीघा जमीन हे। जीमें पन्द्रह सौ की चेक बनाई हे। कहो कि उदयचन्द्र की सात बीघा जमीन हे, ऊखे नौ हजार रूपइया ओरहरगोविन्द्र की चार बीघा जमीन हे। जीखे पांच हजार की चेक बनाई हे। अगर एस.डी.एम. से कहत हे तो ऊ कहत हे कि मोये फांसी लगा देओ तभई तुम्हाओ घर भरहे। जीसे आदमियन ने 1 मई खा आदमियन ने रोड जाम करो हे।
महोबा एस.डी.एम. प्रबुद्ध कुमार ने आपन गलती मानी ओर एक हफते के भीरत सबखा चेक देय को भरोसा दओ हे।