खबर लहरिया फैजाबाद डेढ़ बिगहा गलिगै गन्ना कै फसल

डेढ़ बिगहा गलिगै गन्ना कै फसल

gavan1 fainalजिला फैजाबाद, ब्लाक तारुन, गांव जहद्दीपुर। हिंआ अधिया पै गन्ना बोये रहे रामप्रगट यादव जेकै फसल गलिगै।
रामप्रगट यादव बताइन कि परसावां के ठाकुर कै खेत लइके गन्ना बोये रहेन। हर बार फसल अच्छी हुअत रही लकिन अबकी दुई महीना से लगातार बारिस हुवय के कारण गन्ना गलिगा। जेसे चालिस-पचास हजार कै नुकशान होइगा। तालाब के किनारे खेत हुवय से लबालब हमेशा भरा बाय। धान कै फसल तौ अच्छी बाय लकिन डेढ़ बिगहा गन्ना गलिगा। अब काव उनका दियब काव हम लियब। अउर तौ अउर जबन दुसरी जगह गन्ना रहा तेज हवा के साथ पानी बरसा उहौ गिरिगा। गन्ना गिरे से वजन कम होय जा थै। जेसे सस्ता बिका थै।
बी.डी.ओ महेन्द्रदेव बताइन कि तालाब मा फसल उगाये से कउनौ मुआवजा नाय मिलत। तालाब मा फसल उगावै कै कउनौ नियम नाय बाय।