जिला अम्बेडकरनगर, ब्लाक कटेहरी। हिंआ बिजली आवै जाए कै कउनौ टाइम नाय रहत। यतना गर्मी होत बाय। जब बिजली कै जरूरत पराथै। तौ कटी जाथै।
बिजली उपभोक्ता उमेश, भुल्लुर, रोहित कै कहब बाय कि बिजली पूरा समय नाय रहत। जब मनई बहरे से काम कइकेै आवाथै। गर्मी मा घरे आवा तौ लाइट नाय रहत कि पंखा चलाई कै आराम कई लिया। जनार्दन बताइन कि रात मा 12 बजे लाइट आवाथै सुबेरे 9 बजे तक रहाथै। शाम कै तीन बजे आवाथै। तौ 7 बजे फिर कटी जाथै। ऐसे समय मा कउनौ का मनाय होय पावत। हमरे सबकै मांग बाय कि लाइट शाम 7 बजे आवै पूरी रात रहै।
बिजली विभाग कै अधिशाषी अभियंता मुकेश बाबू कै कहब बाय कि जिला मा शहरी क्षेत्र मा 20 घंटा अउर ग्रामीण क्षेत्र मा 14 घंटा बिजली आपूर्पि कै व्यवस्था शासन से किया गै। यही नियम से बिजली दिया जाथै। कबहू-कबहू गड़बड़ी होई जाए दिक्कत होई थै। जवन सुधार कई जाथै।