जेल भेज दीन गा हवै

जिला चित्रकूट, ब्लाक कर्वी, कस्बा भरतकूप। हिंया के एक मेहरिया कहिस कि पड़ोस मा रहैं वाला नौसाद 12 सितम्बर 2014 के रात मा मोरे दुइ बरस के लड़की का अपहरण करिस अउर लड़की का मार डारिस। यहिसे हल्ला करेंव तौ कस्बा के मड़ई इकट्ठा होइगें अउर मेन चैराहे मा जाम लगाइन। यहिके सूचना मिलै मा भरतकूप चैकी के पुलिस आ गई अउर लड़की का ढूढि़स।
कस्बा के एक मेहरिया का कहब हवै कि पड़ोस मा रहैं वाला नौसाद रात के लड़की का पटक के जान से मार दिहिस। वा समय मैं मोर मनसवा अउर लड़की सोवत रहेन। रात के नींद खुली अपने लड़की का ढूढ़ेंव तौ लड़की नहीं मिली, पै नौसाद हमरे साथै सोवत रहै। या देख के परेशान होइ गयेंव। लड़की नहीं देखेंव तौ जोर से चिल्लायेंव। चिल्लावैं मा नौसाद भाग गा अउर हल्ला सुनके मड़ई आ गंे। उंई चैराहे मा जाम लगाइन अउर पुलिस भी मउके मा आ गे पुलिस वाले टार्च लइके लड़की का ढूढि़न तौ दुइ घंटा के बाद लड़की के लाश अकबरपुर अउर पहरा गांव के बीच परै वाली पुलिया मा मिली। लड़की के जान लें वाले का सजा होय का चाही।
भरतकूप चैकी के पुलिस का कहब हवै कि लड़की के मूड़ मा चोट लाग रहै। 13 सितम्बर 2014 का नौसाद का जेल होइगे हवै। वहिके ऊपर एस.सी.एस.टी. एक्ट (325), अपहरण (364) अउर हत्या (302) के धारा लगाई गें हवैं।