जगह जगह हुवत अवैध खनन

जिला अम्बेडकर नगर, ब्लाक टांडा। हिंआ आये दिन जगह जगह हुवत अवैध खनन। जेसे मनइन मा नाराजगी बाय।
आलापुर तहसील क्षेत्र के श्रम सलाहकार समिति अध्यक्ष विद्यावती राजभर नदी मा से अवैध बालू खनन का लइके कड़ी नाराजगी जताये हइन। बताइन कि खनन से प्रर्यावरण पै काफी क्षति पहुंचाथै। इनकै कहब बाय कि मुख्यमंत्री का पत्र भेजके कार्यवाही कै मांग करे हई। यहि क्षेत्र के चहोड़ा घाट से जेसीबी मशीन लगाय के स्नान घाट व शमशान घाट तक अवैध रुप से बालू कै खनन कीन जात बाय।यही कारण लगभग दुई बीघा वन निभाग द्वारा पौधा लगाय गै रहा उहौ नष्ट होय जात बाय।
यहि तरह हर रोज टांडा से फैजाबाद रोड पै भी रोज कहीं न कहीं खुदाई चालू रहाथै। महुवारी अवसानपुर, ऐनवा, शाहपुर, शलोनाघाट, सेवागंज इल्फितगंज ताजपुर जैसेन क्षेत्र मा आये दिन भूमाफिया द्वारा खुदाय कराय जात बाय। जेहपै गांव कै मनई भी काफी परेशान अहैं।