खबर लहरिया चित्रकूट चेक मा लिखा दूसर नाम

चेक मा लिखा दूसर नाम

DSC00802जिला चित्रकूट, ब्लाक पहाड़ी, गांव रम्पुरिया। हिया के लाली नाम के औरत का आरोप हवै कि मनसवा जगतपाल का 21 जुलाई का फसल खराब होय का चेक मिला रहै। वा चेक मा नाम गलत हवै। चेक म नाम सही करावैं खातिर 22 जुलाई का राजापुर के तहसीलदार आर. के. सिंह का लिखित दरखास दीन गे हवै।

लाली का कहब हवै कि मनसवा का नाम जगतपाल हवै, पै चेक जगत किशोर के नाम से बनी हवै। यहिसे चेक नहीं भंजत आय। चेक मा नाम सही करवावैं खातिर राजापुर तहसील के चक्कर लगावत हांै, पै कउनौ ध्यान नहीं देत आय।
राजापुर तहसीलदार आर. के. सिंह का कहब हवै कि या गलती कम्प्यूटर से होइगे हवै। लेखपाल से कहिके सात दिन के भीतर चेक मा नाम सही करवा दीन जई।