जिला चित्रकूट,ब्लाक रामनगर,गांव बेलरी।रामनगर ब्लाक से या गांव 18 किलोमीटर दूरी हवै।पै या गांव मा कउनौ विकास नहीं आय।हिंया रास्ता नहीं आय मड़इन का बांध के पानी से निकल के जायें का पड़त हवै।यहिके साथै बिजली पानी अउर खंडजा के भी समस्या हवै।प्रधान लवलेश का कहब हवै कि विकास का काम होत हवै।सम्पर्क मार्ग मा काम लाग हवै।बिजली के खम्भा भी गाड़े जात हवै।
पी.डब्ल्यू डी.के अधिषाशी अभियंता दुधनाथ का कहब हवै कि उत्तर प्रदेश सरकार जबै सम्पर्क मार्ग खातिर रुपिया देई तबहिने काम होइ।शीला बताइस कि हमार गांव मा रास्ता आय न बिजली आय।प्रधान कहत हवै।मोर बस नहीं आय।पानी से निकल के जायें मा बच्चा मेहरिया का बहुतै परेशानी होत हवै।कमता प्रसाद बताइस कि 18-20 साल से रास्ता नहीं बना आय।दुइ दरकी डी,एम आये हवै पै रास्ता नहीं बना आय।19 साल का अश्वनी बतावत हवै कि पुल से निकल के आवे मा गिर गये हौ तौ सगले चोट लाग हवै।यस .डी .विजय नारायण पाण्डेय का कहब हवै कि या दरकी बजट अइ तौ हिंया का का रास्ता बनवावा जई।
रिपोर्टर-नाजनी रिजवी और मीरा जाटव
31/08/2017 को प्रकाशित
