खबर लहरिया चित्रकूट घर के भीतर घुस के करिन मारपीट

घर के भीतर घुस के करिन मारपीट

जिला चित्रकूट, ब्लाक मानिकपुर,गांव बगरेही के धर्मेन्द्र अउर बाबूराल का आरोप हवै कि 23 अप्रैल का घर के भीतर घुस के अनजान मड़ई मारपीट करिस हवै। यहिके रपट रैपुरा थाना मा लिखाइन, पै पुलिस कउनौ सुनवाई नहीं करिस हवै।
धर्मेन्द्र का कहब हवै कि 23 अप्रैल का रात के बारह बजे घर के भीतर अंजान मड़ई घुस आवा। जइसेन घर के भीतर आय तौ वइसेन मोहिका मारै लाग हमार कउनौ से दुश्मनी नहीं आय। अबै तक कउनौ पता नहीं लाग कि उंई कउन अउर कहां से आय रहै। यहिसे हमका डेर हवै कि कत्तौ फेर न वहिनतान घर मा घुस के मारपीट करै।
रैपुरा थाना के बड़े दरोगा श्रवण कुमार कहिन कि रपट लिख लीन गे हवै। 442 (घर मा घुसब) धारा लाग हवै जांच चलत हवै। जांच मा पता लाग तौ कारवाही कीन जई।

रिपोर्टर – सहोद्रा देवी