खबर लहरिया फैजाबाद घर के बगल से मांगत रास्ता

घर के बगल से मांगत रास्ता

gaow copyजिला फैजाबाद, ब्लाक मया, ग्रामसभा समदा, गांव जोगापुर। हिंआ जमीन के विवाद मा घर बनवावै मा विपक्षी मांगत हईन रास्ता।
विधवा मेहरारू सुमित्रा देवी बताइन कि विपक्षी जंगल आशोक कुमार, मंवालाल, रामलहन इनके सब आपन घर पक्का बनवाय लिहिन। दस साल पहिले अब हम जब बनवावत हई तौ हमरे जमीन मा से रास्ता मांगत हईन। हमारे बेटवा भी विपक्षी के तरफ से बाय। जब रास्ता नाय देत हई तौ सब मारै दउराथिन।
विपक्षी छोटेलाल, मेवालाल बताइन कि हमरे सब कोलिया कै जमीन छोड़ी कै बनवाय हई। उनका भी कोलिया छोड़ी कै बनवावै का कहा जात बाय। वै अपने बेटवा अशोक का हिस्सा नाय देत हईन। बोलै के नाते सब का फसावत हईन।
गोशाईगंज थाना कै एस.ओ. मोहम्मद आलम खां बताइन कि हल्का कै जवन सिपाही हईन उनका भेजी कै जांच कराई जाए।