गैस लीक हुवय से मेहरारू कै मउत

जिला अम्बेडकर नगर, ब्लाक कटेहरी, गांव छितनपटटी। हिंआ 27 अपै्रल 2015 कै गैस लीक हुवय से आग लाग एक मेहरारू कै मउत होइगै। परिवार कै चार जने घायल हईन। जिला मा इलाज चलत बाय।
गांव के मनई अउर अजय तिवारी कै कहब बाय कि परमहंस तिवारी के घरे गैस लीक होय गै रही। पूरा गैस रसोई मा फैल गै रहा। पवन तिवारी कै मेहरारू सोनू चाय बनावै गइन। जइसे माचिस कै तीली जलाइन तइसे गैस भक्क से पकरि लिहिस। पच्चीस साल कै सोनू वही मा जरि गइन।
षोर सुनिके बचावै गइन पति पवन तिवारी देवर संतोष तिवारी, ननद सिखा, किरन सब आग के चपेट मा आयके जरि गइन। जल्दीबाजी मा सब का जिला अस्पताल पंहुचाइन। सोनू का तौ डाक्टर मृत बताय दिहिन। बाकी चारौ जने का फैजाबाद ईलाज के ताई रेफर कै दिहिन।