जिला अम्बेडकर नगर, ब्लाक टांण्डा, गांव फूलपुर। हिंआ 12 मई 2016 का एक मजदूर मनई काम करै जाए से इनकार करै से गांव कै दबंग मनई करिन पिटाई।
घायल जितेन्द्र कै कहब बाय कि गांव कै चिंटू पाण्डेय काम करै खातिर बोलावै आय रहिन तौ हम कहेन कि हमार तबीयत खराब बाय काम न कै पाउब। तब पिंटू पाण्डेय अपने घरे गइन आपन दुई साथी बच्चाराम कै बेटवा संतोष वर्मा, जग्गा प्रजापति कै बेटवा दीपू प्रजापत का बुलाय लाइन। गाली दियै लगिन। अउर जाति सूचक शब्द कहत रहिन। तक हमहूं बोलेन तौ तीनौ जने जुटिके मारै लागिन। कउनौ तरह अपने घरमा भागेन लकिन वै तीनौ जने घरमा घुसिके मारिन। अउर कहिन कि ज्यादा चिल्लाबा तौ जान से मारि दियब। यकै तहरीर थाना मा दिहेन।
टाण्डा कै सी.ओ. सुधीर कुमार सिंह कै कहब बाय कि जितेन्द्र के तहरीर पै विपक्षी चिंटू, संतोष दीपू के खिलाफ मुकदमा अपराध संख्या 81/16 धारा 504, 506, 452 आई पी सी अउर 3(1)10 एससी,एसटी एक्ट के तहत लिखागै बाय। विपक्षी फरार चलत हइन। तलासी कीन जात बाय।