जिला फैजाबाद, ब्लाक मया, ग्रामसभा सराय बैरीसाल। हिंआ लगभग सौ साल से ज्यादा होई गै गांव बसे लकिन अबहीं तक नाली नाय बनी बाय। सब मनई अपने घर के सामने गड़हा बनाय कै नल कै पानी वही मा गिरावाथिन। वही रोशननगर के वेलसन्डी गांव मा ट्रक चढ़ाय के सरकारी नाली तूडी डारत बाटिन।
सराय बैरीसाल कै रामदेव यादव, रामकल्प पाठक, दातादीन, रमेश, राजप्रताप, शेख बहाउुर बताइन कि हम सबकै जनम करम नाय भै रहा। तभै से हमरे सबकै पूर्वज यहि पै रहत रहिन। लकिन यह गांव कै कउनौ प्रकार कै विकास नाय भै बाय। बरसात के समय पानी सबके दुवारे पै भरा रहा थै। वाकी मौसम मा हमरे सब अपने घर के सामने गडडा बनाई के पानी वही मा भरा जाथै। लगभग पैतिस घर कै पुरवा बाय इहै हाल पूरे गांव मा बाय।
वही रोशननगर ग्रामसभा के बेलसन्डी कै गांव अशोक वर्मा, राकेश वर्मा, श्यामलाल निषाद बताइन कि हमरे सब नाली बनै खातिर ऐड़ी चोटी तक कै जोर लगाय दिहे रहेन। तब जाई के नाली बना। अब एक महीना से नाली तूरत हईन। ट्रक चढ़ाई के सब मना करेन कि नाली पै ट्रक न चढ़ावा लकिन मानत नाय बाटिन।
प्रधान प्रदीन कुमार निषाद बताइन कि हम जाय के देख कै मरम्मत करवाय दियब। अपै्रल लास्ट तक नाली बनाय दीन जाये।