खबर लहरिया फैजाबाद आरोपी के गिरफ्तारी कै मांग

आरोपी के गिरफ्तारी कै मांग

जिला फैजाबाद, ब्लाक तारुन, ग्रामसभा पारागरीबषाह, मजरा ददरा। यहिं से 11 मार्च 2015 का अकबरपुर के लाला महमुदपुर बारात गै रही। बारात गै युवक राधेष्याम उर्फ सोनू कै लाष काफी खोजबीन के बाद आठवें दिन कुंआ मा मिली। राधेष्यााम के अम्मा कै आरोप बाय कि आरोपी हमका जान से मारै कै धमकी दियत हइन।
मृतक राधेष्याम के अम्मा उर्मिला कै आरोप बाय कि गांव से 11 मार्च का अकबरपुर बारात गै रही। गांव कै अजीत उर्फ रामू हमरे बेटवा का अपने मोटर साइकिल से जबरदस्ती बारात लै गइन। जबकि हमरे बिटिया कै पेपर देवावै के ताई हमार बेटवा बारात नाय जाय चाहत रहा। लकिन कहिन कि हम सबेरे सात बजे तुहैं घरे छोड़ दियब। रात मा दस बजे रामू हमरे पास फोन करिन कहिन कि राधेष्याम लापता होय गइन। चारौ तरफ ढ़ूंढ़ागै रिस्तेदारी फोन कीनगा कहंू मिलिन नाय। थक हार के अकबरपुर थाना मा गुमसुदगी कै रिपोर्ट दर्ज कराय गै। आठवें दिन जनवासे से दुई बीघा दूर कुंआ मा लाष मिली। अब हमैं दुसरे दुसरे से धमकी दियत अहैं कि इनके महतारी का मारि दियब तौ थाना मा हाजिर हुवब। हमरे तीन लड़की एक लड़का बाटे। हमरे आदमी का फालिस मारे बाय। कवन मेर हम अपने जानमाल कै रक्षा करी। हम चाही थी कि आरोपिन कै जल्द से जल्द गिरफ्तारी कीन जाए।
अकबरपुर थाना कै प्रभारी निरीक्षक ओ.पी. षर्मा बताइन कि सोनू के अम्मा उर्मिला के तहरीर पै अजीत यादव उर्फ रामू, राजेन्द्र यादव अउर दिनेष यादव निवासी बारा के खिलाफ हत्या व लाष छिपावै के धारा मा मुकदमा लिखा गै बाय।