खबर लहरिया चित्रकूट एक साल से ए.टी.एम.चालू करावंै के मांग

एक साल से ए.टी.एम.चालू करावंै के मांग

sitapurजिला चित्रकूट, ब्लाक कर्वी, कस्बा सीतापुर। हिंया भारतीय स्टेट बैंक के ए.टी.एम. का बने लगभग दुइ साल होइगें, पै अबै तक चालू नहीं भा आय। मड़ई ए.टी.एम. चालू करावैं खातिर स्टेट बैंक मैंनेजर का 1 मार्च का दरखास दिहिन।
कस्बा के रामस्वरूप अउर सत्यम का कहब हवै कि हिंया मड़ई देश विदेश से घूमै खातिर आवत हवंै। उनका ए.टी.एम. से रुपिया निकारैं का रहत हवै तौ हिंया हुंवा भटकत फिरत हवंै। कस्बा के लोगन का अगर अचानक रात बिरात रूपिया के जरूरत परत है तौ बिना ए.टी.एम. परेशान होय का परत हवै। एकै ए.टी.एम. हवै चालू होइ जाये तौ सुविधा होय।
चित्रकूट भारतीय स्टेट बैंक के मैनेजर अवधेश गुप्ता कहिन कि अप्रैल तक बिजली अउर टेक्नालाजी के व्यवस्था कराई जई। जेहिसे ए.टी.एम. जल्दी चालू होइ सकै।