खबर लहरिया चित्रकूट 17 दिसम्बर को चित्रकूट जिले के डोडिया माफी निवासी ननकू का सब कुछ जल के हुआ राख, किसने लगाई आग?

17 दिसम्बर को चित्रकूट जिले के डोडिया माफी निवासी ननकू का सब कुछ जल के हुआ राख, किसने लगाई आग?

17 दिसम्बर का ननकू के घर मा आगी लाग गें हवै। ननकू जिला चित्रकूट, ब्लाक मऊ, गांव डोडिया माफी का रहै वाला आय। वहिकर कहब हवै कि पड़ोसी राम किशोर आगी लगाइस हवै। रामकिशोर के महतारी पतिया का कहब हवै कि जबै मड़ई चिल्लात रहै तबै हमें आगी लागे के बारे मा पता लाग हवै।
संगीता का कहब हवै कि जबै आगी लाग हवै तबै मोर छोट-छोट बच्चा सोवत रहैं जल्दी-जल्दी आपन बच्चन का निकालेहौं नहीं तौ सबहिन के जान चली जात। कसाहड़ी मा रखे पांच हजार रुपिया जलगें हवै। पांच छह कुंतल गेहूं, दुइ तीन कुंतल धान अउर घर के सबै कपड़ा जल के राख होइगें हवैं। बर्तन आगी मा काले पद गें हवै। चार मड़इन के नाम रपट लिखायें हन। तहसीलदार राजकुमार का कहब हवै कि जउन घर जला हवै वहिके जांच कीन जइ फेर दैवीय आपदा के तहत मुआवजा दीन जई।
रिपोर्टर-सुनीता देवी

Published on Dec 19, 2017