जिला चित्रकूट, कस्बा कर्वी, मुहल्ला शंकर बाजार 14 जनवरी 2017 का बलात्कार के बाद हत्या का मामला सउहें आवा रहै। संतराम के 13 साल के लड़की के साथ या घटना भे रहै। घटना के पांच महीना बाद 7जून का आरोपी पकड़ा गा हवै। आरोपी मकान मालिक का लड़का राजा गुप्ता आय। जिला चित्रकूट, कस्बा कर्वी, मुहल्ला शंकर बाजार 14 जनवरी 2017 का बलात्कार के बाद हत्या का मामला सउहें आवा रहै। संतराम के 13 साल के लड़की के साथ या घटना भे रहै। घटना के पांच महीना बाद 7जून का आरोपी पकड़ा गा हवै। आरोपी मकान मालिक का लड़का राजा गुप्ता आय। राजा गुप्ता कबूल करिस हवै कि वा लड़की का खाना खाये के बहाने बोला के बलात्कार करिस हवै। वहिके बाद पकड़े जाये के डेर से लड़की का गला दबा के मार डारिस हवै। पीड़ित परिवार का नियाव देवावै खातिर चाइल्ड केयर संस्था, सांझी नेटवर्क अउर खबर लहरिया बहुतै मदद करिस हवै यहै कारन आरोपी पकड़ा गा हवैं। लड़की के महतारी रानी अउर बाप संतराम का कहब हवै कि आरोपी के परिवार वाले हमरे ऊपर दबाव डालत हवै अउर कहत हवै कि तुम लिख के दइ देव। राजा गुप्ता इनतान का लड़का नहीं आय। ब्यापारी राम मनोहर वर्मा का कहब हवै कि पीड़ित परिवार के पैरवी करै का कोऊ नहीं रहा आय चाइल्ड केयर के अभिमन्यु तीन दिन अनशन करिन रहै तबै शासन का संदेश गा हवै कि अब जनता जागरूक होइगें हवै। तौ केस खुल गा हवै। चाइल्ड केयर के कार्यकर्ता अभिमन्यु का कहब हवै कि जनता के दबाव के कारन पुलिस जागी हवै अउर आरोपी पकड़े का काम पूर भा हवै। पुलिस आरोपी का येत्ते दिना मा काहे पकिड़स हवै तौ व्यवस्था के कमी आय। साझी आवाज नेटवर्क संस्था के वकील शिव सिंह का कहब हवै कि संस्था अउर मड़इन के सहयोग से आरोपी पकड़ा गा हवै। पुलिस अधीक्षक प्रताप गोपेन्द्र का कहब हवै कि जबै आरोपी से कड़ाई से पूछताछ कीन गें तौ आपन जुर्म कबूलिस हवै। घटना के समय जउन खून के सने कपड़ा पहिने रहा हवै उंई भी मिल गे हवै।
रिपोर्टर- नाजनी रिजवी
14/06/2017 को प्रकाशित
