हरतान से पूर कोशिश कीन जई

जिला चित्रकूट, ब्लाक मऊ, गांव कोलमजरा के प्राथमिक स्कूल मा 20 अपैल का चैपाल लगाइगे। चैपाल लगावैं का उद्देश्य रहै कि मड़इन का राशन कार्ड बनब जरुरी हवै। उंई अगर पात्र हवैं तौ उनका हर सरकारी योजना का लाभ मिलै का चाही। यहिमा बी.डी.ओ., प्रधान अउर गांव के मड़ई शामिल रहैं।
हिंया के राम सिरोमन अउर सूरजकली का कहब हवै कि हमरे कउनौतान के राशन कार्ड नहीं बने आय। बिना राशन कार्ड के कउनौ भी काम नहीं होइ पावत हवै। राशन कार्ड न होय के कारन हमरे बच्चन का स्कूल का कउनौ काम नहीं होइ पावत हवै।
मऊ एस.डी.एम. राममूर्ति त्रिपाठी का कहब हवै कि या बात तौ सही आय कि गांव के मड़ई हरतान से समस्या का झेलत हवैं। उनके या समस्या का खतम करै खातिर हमार पूर कोशिश रही।
मऊ ब्लाक, कस्बा मऊ। हिंया ब्लाक मा 26 अप्रैल का मीटिंग भे। मीटिंग मा प्रधान, बी.डी.ओ. क्षेत्र पंचायत,सामुदयिक स्वास्थ्य केन्द्र के डाक्टर शेखर अउर ब्लाक प्रमुख शिवकांत शामिल रहैं। मीटिंग करै का उद्देश्य रहै कि मड़इन का मनरेगा, आवास अउर पेंशन योजना के बारे मा पता लागै।
बी.डी.ओ.श्रीकांत त्रिपाठी का कहब हवै कि गांव के संतावन ग्राम पंचायत के प्रधान का कहा गा हवै कि मड़इन का शौचालय, पेंशन अउर आवास के व्यवस्था करैं के जरुरत हवै। अगर मड़इन का शौचालय मिल जइहैं तौ गांव मा मड़ई खुले मैदान अउर दुसरेन के खेतन मा शौच करैं न जइहंै। दूसर बात गांव मा साफ सफाई अउर नींक भी रही सकत हवै। यहिसे गांवन मा मड़ई स्वस्थ्य रही अउर बीमारी से भी बच सकत हवंै। काहे से कि या समय गर्मी का समय चलत हवै। गर्मी होय के कारन बीमार होत हवैं। या समय उल्टी, टट्टी के ज्यादा बीमारी होत हवै।