स्वास्थ्य विभाग की लापरवाही से गई चित्रकूट जिले कि रानी की जान

जिला चित्रकूट के रामनगर ब्लाक के सामुदायिक स्वास्थ्य केंद्र मा आये दिन घटना होत रहत हवै। 6 अप्रैल का डिलेवरी करावै आई रानी देवी के मउत होइगें हवै। मुख्य चिकित्सा अधिकारी का कहब हवै कि हुंवा के डाक्टर मरीन के हालत खराब बता के कर्वी लइ जाये का कहत रहै पै परिवार वाले लिख के दिहिन हवै कि मरीज के कुछौ होय मा विभाग जिम्मेदार न होई। पोस्टमार्टम के बाद दोषिन के खिलाफ कारवाही कीन जई।
रानी देवी के महतारी का कहब हवै कि हम सुबेरे छह बजे अस्पताल आये हन तबै हमार लड़की के पेट मा बहुतै दर्द रहा हवै, दस बजे वहिके अपने से बच्चा होइगा तबै डाक्टर बोतल चढ़ावै लाग तौ थोड़ी देर मा वहिके मउत होइगें हवै,तबै डाक्टर कहत रहै सांस चलत हवै कर्वी लई जाओ। उदित नारायण मिश्रा का कहब हवै कि मड़ई हिंया दवाई करावै आवत हवै तौ पूर स्टाप मारत अउर गाली देत हवै। पिछले महीना हमरे साथ भी यहिनतान के घटना भे हवै रपट करै के बादौ कउनौ सुनवाई नहीं भे आय।
रामनगर डाक्टर प्रबल प्रताव सिंह का कहब हवै कि केस सिरीयस रहा हवै तौ हम मरीज का नहीं बच पायें आहीं।

रिपोर्टर- सुनीता देवी