खबर लहरिया चित्रकूट स्कूल मा ताला बच्चा जपै खेल के माला

स्कूल मा ताला बच्चा जपै खेल के माला

c hapta divariजिला चित्रकूट, ब्लाक पहाड़ी, गांव हफ्ता देवारी। हिंया के मड़ई कहिन कि अक्टूबर 2015 से प्राथमिक स्कूल मा ताला लाग हवै। पढ़ै वाले बच्चा हिंया हुंवा घूमत फिरत हवैं। स्कूल खुलवावं खातिर मड़ई 20 नवंबर का एस. डी. एम अउर पहाड़ी बी.आर. सी. विभाग मा लिखित दरखास दिहिन।
गांव के राममिलन, लक्ष्मी देवी अउर पूर्व प्रधान सुमर सिंह कहिन कि प्राथमिक स्कूल बंद होय से बच्चन के पढ़ाई मा असर परत हवै। अगर बच्चा स्कूल जात हवैं तौ स्कूल मा ताला लाग देख के वापस घर का लउट आवत हवै। पहाड़ी बी. आर सी. विभाग के खण्ड शिक्षा अधिकारी जीतेन्द्र कुमार कहिन कि स्कूल मा एकै हेडमास्टर अभिषेक कुमार सिंह हवै। वहिके ड्यिूटी चुनाव मा लाग हवै। यहिसे स्कूल बंद हवै। स्कूल के हेडमास्टर अभिषेक कुमार सिंह कहिस कि चुनाव चलत हवै यहिसे स्कूल नहीं जा पावत हौं।