जिला चित्रकूट, ब्लाक मानिकपुर, गांव अगरहुंणा। सैकड़न गरीब अउर दलित परिवारन का अबै तक कलोनी नहीं मिली आय। इनतान के गरीब मड़इन का सरकारी योजना का लाभ नहीं मिलत तौ सरकारी रुपिया कहां जात हवै। रुकी देवी बताइस कि प्रधान हमें कहि बस देत हवै पै कलोनी नहीं देत आय हमार घर गिर गें हवै। यहै कारन खुलें मा खाना बनाइत हवै। पै ठंडी मा कसत रात कटबै। भोलिया देवी अउर सन्तोषिया समेत कइयौ मेहरियन का कहब हवै कि छानी छप्पर बना के बच्चन का राखित हवै। ठंडी मा सोवें का जघा नहीं आय। हमार जानवर भी ठंडी मा बाहर बांधे रहत हवै तौ जड़ात हवै। हमरे लगें खेती बारी भी नहीं आय तबहूं हमार जइसे गरीब मड़इन का कलोनी नहीं मिलत आय। हम प्रधान का वोट नहीं दीन आय यहै कारन हमैं कलोनी नहीं देत आय। प्रधान अपने मन का हवै जेहिका कलोनी दे का मन होत हवै वहिका कलोनी देत हवै। टूट फूट घर मा रहित हन चाहें जबै घर गिर जायें अउर हम दबके मर जई। भूरा सेठ बताइस कि पात्र मड़इन का कलोनी नहीं मिलत आय अपात्र मड़इन का तीन-तीन चार-चार कलोनी मिलत हवै।
प्रधान मंजीत सिंह का कहब हवै कि कलोनी के लिस्ट बना के भेंज दीन गें हवै जबै अई तौ दीन जई। वीडीओ आशाराम का कहब हवै कि जउन मड़इन का कलोनी नहीं मिली आय उनका दस दिना मा कलोनी मिल जई।
रिपोर्टर-राधा
Published on Dec 3, 2017
