विमला देवी
जिला चित्रकूट, ब्लाक कर्वी, गांव बनकट, मुहल्ला नई दुनिया। हिंया के रहैं वाली विमला देवी बताइस कि वहिके पेट मा 16 जून 2014 का पीरा होत रहै तौ 108 नम्बर के एम्बुलेंस का फोन कीन गा। एक बिटिया गाड़ी मा पैदा भे दूसर अस्पताल मा। गाड़ी का ड्राइवर नौ सौ रूपिया लिहिस अउर ए.एन.एम. पांच सौ रूपिया लइके अस्पताल मा भर्ती करिस।
खबर लहरिया पत्रकार सी.एम.ओ. वेद प्रकाश से बात करिन। उनकर कहब हवै कि या मामला के जांच चलत हवै। यहिके बाद जउन सही होइ वा कीन जई।
मुहल्ला के विमला देवी का कहब हवै कि पेट मा पीरा होत रहै तौ 108 नमबर के एम्बुलेंस का बोलावा गा। मोरे जुड़वा बिटिया 16 जून 2014 का पैदा भे हवै। एक बिटिया लगभग दस बजे रात के मर गे हवै। दूनौ बिटिया कमजोर हवै। ड्राइवर मोरे मनसवा सुन्दर लाल से रूपिया लिहिस अउर ए.एन.एम. पांच सौ रूपिया लइके अस्पताल मा भर्ती करिस रहै। अस्पताल मा खाना अउर नाश्ता कुछौ नहीं मिला अउर न तौ डाक्टर आ के दुबारा से देखिन तक नहीं आहीं। जबै सरकार संेत मा सुविधा दीने हवै तौ इनतान गरीबन से रूपिया काहे लीन जात हवै। नियम मा हवै कि एम्बुलेंस घर तक लें खातिर जई अउर फेर घर छोड़ै तक जई, पै या तौ सबै नाम खातिर हवै।