जिला बांदा, ब्लाक तिन्दवारी, गांव दतौली जूनियर स्कूल के हैण्डपम्प एक साल से ख़राब पड़ा है। जेहिसे स्कूल के बच्चन का बहुतै परेशानी होत है। कइयौ दरकी प्रधान से कहे के बाद भी हैण्डपम्प बिगड़ा पड़ा हैं।
स्कूल मा पढ़े वाली बिटिया प्रियंका बताइस कि एक साल से हैण्डपम्प ख़राब है प्राइमरी स्कूल के हैण्डपम्प से काम चलत रहा है अब तौ बाहर जाय का पड़त है। हुंवा के मड़ई भगा देत है कहत है कि जूंठ लइ के आ जात है।
स्कूल मा पढ़े वाला लड़का पवन- बताइस कि मड़ई भगा देत है तौ घर जाये का पड़त है फेर बाल्टी मा पानी लावै का पड़त है।
खाना बनावै वाली मेहरिया बताइस कि बहुतै परेशानी है बर्तन धोवै जाये तौ भगा देत है कहत है कि सगले जूंठ कइ देत है प्रधान से कहा हन तौ कहत है कि बन जई।
हेडमास्टर रामसनेही बताइस कि बहुतै परेशानी होत है फेर बच्चन का प्राइमरी स्कूल जाये का पड़त है बस्ती वाले हैण्डपम्प से 9 10 महीना से काम चलत रहा है हमरे स्कूल मा 35 बच्चा है हम प्रधान से कहे हन।
प्रधान कहिस है कि बन जई कइयौ दरकी बनवावा हन अब बारू आवत है।पै अब कउनौ ध्यान नहीं देत आय जेहिसे पिये के पानी खातिर बच्चन समेत पूर स्कूल मास्टर तरसत हैं।हमार कुछौ सुनवाई नही होत है।
रिपोर्टर- शिवदेवी
Published on Feb 1, 2017
