ससुराल वालेन के ऊपर मारपीट का आरोप

जिला बांदा, ब्लाक जसपुरा, गांव पड़ोहरा। हेंया के संगीता का आरोप है कि 8 नवम्बर का ससुरे वाले मारपीट करिन। संगीता आपन मनसवा शिवऔतार के साथै 20 नवम्बर का एस.पी. का दरखास दिहिस है।
संगीता बतावत है-“मोर सास मिथुरिया, जेठानी सुनीता अउर ससुर गोरेलाल घर के बंटवारा का लइके बहुतै मारपीट करिन। अंदरूनी अंग मा हाथ डाल दिहिन। जेहिसे गम्भीर चोटैं हैं उठै बइठे चलैं अउर बोलैं मा बहुतै तकलीफ है। कहत रहैं कि इनतान के मार देबे कि कोहू का दिखा न सकै। मैं वहै दिन पैलानी थाना रपट करैं गईंव तौ होंआ के पुलिस मेडिकल जांच कराइस। जसपुरा सरकारी अस्पताल मा ऊपरी चोटन के जांच भे है। अंदरूनी चोटन के जांच महिला जिला अस्पताल मा करावैं का कहा गा है। 20 नवम्बर का हम जसपुरा थाना मा दिन भर बइठ रहन। थाना पुलिस न रिपोर्ट दिहिस न ही जांच खातिर पुलिस भेजिस आय। या मारे मैं एस.पी. का दरखास दीने हौं।”
एस.पी. पीयूष श्रीवास्तव का कहब है कि या मामला के दरखास आई है। मेडिकल जांच कराके दस दिन के भीतर करवाही कइके मामला निपटावा जई।
ससुराल पक्ष के न मिलैं से बात नहीं होई पाई आय।