सरोज कहिस-नहीं भे सुनवाई

जिला चित्रकूट, ब्लाक मऊ, कस्बा बरगढ़, मुहल्ला पंडितन टोला। हिंया के सरोज का आरोप हवै कि वहिकर ससुर वहिके साथै मापीट करत हवै। यहि केेेे रपट बरगढ़ थाना मा 30 मार्च का लिखाइगे, पै पुलिस कउनौ कारवाही नहीं करिस हवै।
हिंया के सरोज का आरोप हवै कि मोर ससुर मसुरिया लगभग चार साल से मारपीट करत हवैं यहिसे मैं अपने मनसवा के साथै एक साल से अलग रहत हौं। तबहूं सुख से नहीं रही पावत हौं। ससुर गंदी गंदी गाली देत हवै। ऊपर से लाठी लइके मारैं का दउड़त हवै। मोर मनसवा अनिल परदेश मा कमात हवै। सास मर गे हवै। मैं अपने ससुर से परेशान होइगें हौं। पन्द्रह बिगहा जमीन हवै। वा जमीन मा गेहूं बोये हवै। वा मोहिका गेंहूं के चोरी लगावत हवै।
बरगढ़ थाना के मुंशी हनुमान प्रसाद का कहब हवै कि या मामला के जांच कीन जई। यहिके बाद मसुरिया के खिलाफ कारवाही कीन जई।