बिजली कटौती से परेशान
जिला चित्रकूट, ब्लाक कर्वी, कस्बा भरतकूप। हिंया का मुकेश कहिस कि लगभग छह महीना से बिजली कटौती बहुतै ज्यादा कीन जात हवै। या कारन लगभग हजारन मड़ई बिजली खातिर परेशान हवै। बिजली कटौती खातिर अबै तक बिजली विभाग मा नहीं कहा गा।
कर्वी बिजली विभाग के बाबू विजय का कहब हवै कि बिजली कटौती करै का आदेश सरकार कइती से हवै। यहिमा हमार कउनौ गलती नहीं आय। जउन आदेश सरकार करी वहै होइ।
कस्बा के अरूण अउर साईराम त्रिपाठी का कहब हवै कि बिजली नहीं रहत। पूर चैबिस घंटा मा मुश्किल से दुइ घंटा बिजली रहत हवै। बिजली न रहै से सप्लाई नल मा पानी नहीं आवत। बच्चन के पढ़ाई भी नींकतान से नहीं होइ पावत। क्रेशर मशीन भी नहीं चलत आय। बिजली कटौती होय से परेशानी झेलैं का परत हवै। चाहे जउन सरकार होय जीतै से पहिले वादा करत हवै कि जनता का पानी बिजली मिली, पै वा सबै देखावा करत हवै।