उर्मिला
जिला महोबा, ब्लाक पनवाड़ी, गांव नेपुरा। एते की रहे वाली उर्मिला ओर ऊखी दस साल की बिटिया ज्योती के साथे गांव के ही सन्तराम ओर ऊखे लड़का बालाप्रसाद ने 13 फरवरी 2014 खा मारपीट करी हे। ईखी रिपोर्ट उर्मिला ने 14 फरवरी 2014 खा महोबकण्ठ थाने में लिखाई हती, पे कार्यवाही आज तक नई भई हे।
उर्मिला ने बताओ के मोयेे आदमी खा मरे 2 साल हो गये हें। न मोये एकऊ खेती आय ओर न एकऊ रहे खा घर हते। अभे प्रधान ने सरकारी जमीन में कालोनी बनवा दई हे तो ओई में आपन बिटिया खा लेके रहत हों। जिते मोओ घर बनो हे ऊखे सामने सन्तराम आपन जानवर बंाधत हे, ओर कहत हे कि एते से निकरहे तो तोये जान से मार देहों। जभे कि ऊ सरकारी जमीन आय। मोई बिटिया ज्योती 13 मार्च 2014 खा अपने द्वारे में खेलत हती। तभई सन्तराम राजपूत ओर ऊखे लड़का बालाप्रसाद ने मोई बिटिया खे गाली दई। जभे मेंने ऊखे मना करो तो ऊने मोये साथे मारपीट करी हे। में विधवा ओरत का कर सकत हती। एई से में आपन बिटिया खा लिवा के महोबकण्ड थाने में रिपोर्ट लिखाई हे, पे अभे तक कोनऊ कार्यवाही नई भई आय। अगर पुलिस कछू कारवाही न करहे तो ऊ मोये दुबारा मार सकत हे।
महोबकण्ठ थाने के थाना अध्यक्ष नयन सिंह ने बताओ कि रिपोर्ट लिख गई हे, पे सन्तराम ओर ऊखो लड़का बालाप्रसाद फरार हें।। ऊखे घर में भी कोनऊ नई मिलो आय। अगर ऊ पकड़ जेहे तो मुकदमा भी लिखो जेहे, ओर धारा भी लगाई जेहे।