हिन्दुस्तान अख़बार के पत्रकार नीरज गुप्ता के 7 दिसम्बर का गोली मारके हत्या कइ दीन गें रहै। यहिके विरोध मा बांदा के पत्रकार डीएम अउर डीआईजी का ज्ञापन दइके जांच के मांग करिन हैं। यहिके साथै पत्रकारन के सुरक्षा के मांग करिन हैं जेहिसे आगे इनतान के घटना न होय।
नरैनी के हिन्दुस्तान अख़बार के पत्रकार रमाशंकर का कहब है कि समाज के चौथे स्तम्भ पत्रकार समाज अउर सरकार के बहुतै बड़ी जिम्मेदारी पूर करत हैं पै वहिके कीमत आपन जान दइ के पूर करत है। पत्रकारन के उपर होय वाले हमला खातिर पत्रकारन का बहुतै दुःख है सरकार का दोषी मड़इन के खिलाफ कारवाही करै का चाही अउर हमार मांग पूर करै का चाही। अतर्रा के दैनिक जागरण के पत्रकार बिहारी का कहब है कि हमें पुलिस के सुरक्षा मिले का चाही।
अध्यक्ष दिनेश निगम का कहब है भारत सरकार से मांग है कि नीरज गुप्ता के परिवार वालेन का एक नौकरी, एक करोड़ रुपिया अउर वहिके परिवार के सुरक्षा के व्यवस्था कीन जायें। पत्रकारन के हालत बहुतै खराब हैं हमार मांग पूर न होइ तौ बड़ा आन्दोलन करै का मजबूर होइ जइबै।
रिपोर्टर-गीता देवी
Uploaded on Dec 10, 2017
