खबर लहरिया बुंदेलखंड समाजवादी साइकिल यात्रा भई पूरी

समाजवादी साइकिल यात्रा भई पूरी

kasba wमहोबा जिला मे समाजवादी पार्टी की साइकिल यात्रा 1 मई से शुरू भई हती। जीमें समाजवादी पार्टी के कार्यकतन ने शहर से लेके गांव तक अपनी योजना को बखान करो हे। जा यात्रा 10 मई खा पूरी हो गई हे।
10 मई खा महोबा जिला में डीजे के साथे धूमधाम से फूलमाला पहन साइकिल यात्रा निकार समाप्त करी हे। ई रैली मे समाजवादी पार्टी के नेता महासचिव रमेंश यादव, पूर्व मंत्री सिद्धगांपाल साहू ओर कारकर्ता शामिल हते।
ब्लाक जैतपुर, कस्बा कुलपहाड़, वार्ड नम्बर 12 लोहिया मार्ग सत्तियनपुरा से 9 मई खा विधायक उर्मिला राजपूत ने हरी झण्डी दिखा के साइकिल यात्रा शुरू कर हती। जीमे पूर्व विधायक ओर वर्तमान विधायक प्रतिनिधी कप्तान सिंह राजपूत ने पूरे कस्बा के चौराहे-चौराहे से साइकिल यात्रा निकार तहसील मे समाप्त करी। कप्तान सिंह राजपूत ने ई यात्रा मे खूब कन्या विधाधन लैपटॉप वितरण, शादी अनुदान पारिवारिक लाभ, किसान बीमा ओर समाजवादी पेंशन जेसी योजना को गुणगान करो हतो।
रैली समाप्त कर कप्तान सिंह ने सूखा राहत पैकिट के बारे मे कहो की अभे तक सूखा परत रहो तो काय नईं कोनऊ ने दओ हे। तीन दइयां के सूखा को रूपइया आ गओ हे। जोन किसानन खा नई मिलो हे, ऊमे लेखपाल की कमी हे। आदमी पलायन न करें। किसानन के खाता मे जल्दी ही रूपइया भेजो देहो। पानी के लाने गांव मे टैंकर भेजे जात हे।

 रिपोर्टर – श्यामकली, सुनीता प्रजापति