खबर लहरिया चित्रकूट सब के नाम मतदाता सूची मा

सब के नाम मतदाता सूची मा

डी.एम. बलकार सिंह

डी.एम. बलकार सिंह

जिला चित्रकूट, ब्लाक कर्वी, कस्बा सीतापुर रामायण मेला। हिंया 14 अक्टूबर 2013 का डी.एम. बलकार सिंह बइठक करिन। या बइठक मा आगनवाड़ी, रोजगार सेवक, शिक्षा मित्र अउर े अधिकारी शामिल रहैं। बइठक का कारन रहै कि आवै वाले चुनाव मा सब के नाम मतदाता सूची मा चढ़ जाये का चाही। अगर मतदाता सूची बनावै वाले लापरवाही करिहैं तौ उनके ऊपर कारवाही कीन जई। मेहरियन के मतदाता सूची मा बहुतै कम संख्या देखै का मिली हवै।
या बइठक मा लगभग पांच सौ लोग शामिल रहैं। डी.एम काम से जुड़े अधिकारिन से कहिन कि जांच कइके रिपोर्ट तुरतै चाही कि अबै तक मा केत्ते मतदाता के नाम सूची मा शामिल भे हवै। या दरकी आगनवाड़ी का सर्वे करै खातिर जिम्मेदारी दीन गे हवै। कुछ आगनवाड़ी का कहब हवै कि हम बच्चन का सेन्टर मा देखी या सर्वे करी। साथै जउन मुहल्ला मा सेन्टर चलाइत हन। हुंवा के जानकारी उनका हवै, पै दुसरे मुहल्ला मा सर्वे करै मा परेशानी आवत हवै।