जिला बांदा, ब्लाक नरैनी, गांव रक्सी अउर सढा। हेंया के सफाई कर्मी का आरोप है कि पिछले कइयौ महीना का वेतन नहीं मिला आय। दूनौ 9 जून का डी.पी.आर.ओ. से मिल के समस्या निपटावैं के दरखास दिहिन हैं।
सफाई कर्मचारी इस्लाम अली का कहब है, ‘मैं गोरेमऊ कलां मा सफाई के ड्यूटी करत हौं। 2011 मा अप्रैल, मई अउर जून 2012 का वेतन नहीं मिल पावा आय।’
फुलिया बतावत है-“मैं 2011 से रक्सी गांव मा सफाई कर्मचारी हौं। 2012 मा जून, अगस्त, सितम्बर, अक्टूबर अउर नवम्बर का वेतन आज तक नहीं मिला है। 28 मई का डी.पी.आर.ओ. भरोसा दिहिस रहंै कि उनके समस्या जल्दी निपटाई जई। जबै कउनौ कारवाही नहीं भे तबै या मारे 9 जून का दुबारा दरखास दीन है।”
डी.पी.आर.ओ. रणधीर सिंह कहिन कि इनकर वेतन ए.डी.ओ. पंचायत के लापरवाही से इनकर वेतन रूकी रही है। मोरे जानकारी मा अब मामला आवा है। इनकर वेतन जल्दी दे के काशिश की जई।