सड़क में भरो रहत हे पानी

जिला महोबा, ब्लाक पनवाड़ी, गांव नकरा। एते की सड़क से आय जाय वाले आदमियन खां गांठिन से गिलाव में घुस के जाने परत हें।
एते के रहे वाले शरवन, देवपाल, चन्दनिया, ब्रन्दावन कुसुमरानी ने बताओ कि जा सड़क बीसन साल पेहले बनी पुरानी सड़क आय। जा सड़क की लम्बाई 1.25 किलो मीटर हे। ई सड़क में पेहले बसें चलत हती । पे अब आदमियन खां चलब मुश्किल परत हे। हम किसानन खां बैलगाड़ी ट्रेक्टर लेके निकरे में बोहतई परेशानी उठाउने परत हें। ई कारन से सड़क में पानी ओर गिलाव भरो रहत हें । जीखे दरवाजे से जा सड़क निकरी हें उन लोगन खां शादी विवाह में भी बोहतई परेशानी उठाउने परत हें । प्रधान ब्रन्दावन सिंह राजपूत ने बताओ कि जा सड़क सन् 1991-92 में बनी हती इ सड़क मे पेहले बसे चलत हती। जा सड़क सन् 2000 से नई बनी आय। मोए खाते में जोन काम आउत हे तो मे पूरो काम कराउत हो।