सड़क बनी या नहीं

चित्रकूट जिला मा जघा जघा सड़कन मा गढ़वा होय से मडइन का यात्रा मा परेशानी अउर दुर्घटना का सामना करै का परत हवैं। एक बरस मा सैकड़न हादसा होइ चुके हवैं,पै शासन प्रशसन तबहूं कुछ ध्यान काहे नही देत आही?
पूर जिला के सड़कन मा गढ़वा गढ़वा नजर आवत हवैं। जबै कि चित्रकूट जिला मा मुख्यमंत्री दुइ दरकी आ चुके हवैं। का उंई विभाग वालेन के साथै सड़क के बारे मा कत्तौं बात चीत नहीं करिन आय? अगर पी. डब्ल्यू. डी. विभाग मा सड़क बनावै का मड़ई कत्तौ कहत भी हवैं तौ या कहिके टाल दीन जात हवै कि या सड़क का बनवावै के जिम्मेदारी हमार न होय। का पी. डब्ल्यू. डी विभाग बस नाम खातिर जिला मा हवै।
सड़क खराब होय के कान जउन हादसा होत हवैं आाखिर इं हादसा का जिम्मेदार कउन हवै? विभाग या फेर सरकार? कर्वी से राजापुर सड़क का हाल देखतै बनत हवैं। या सड़क से यात्रा करै मा यात्री डेरात हवैं। फेर भी उनका मजबूरी मा यात्रा करै का परत हवै। या बात के जवाबदेही कउन देइ? यहिका इंतजार चित्रकूट जिला के जनता का बहुतै बेचैनी से हवै कि सड़क कबै बनी?