सड़क खराब, गाड़ी खराब लगत जाम
जिला महोबा, ब्लाक कबरई। एते से बघारी गांव तक की 14 किलो मीटर सड़क चार साल से खराब हे। पानी बरसे के बाद पता नई चलत हे, कि रास्ता में तालाब हे जा तालाब में रास्ता। विभाग वाले रास्ता बनवायें खा कोनऊ ध्यान नई देत हे।
गहरा, ओर बघारी गांव जायें वाली सवारी सियारानी, गुलाबरानी ओर ऊषा ने बताओ कि ई सड़क में पांच गांव परत हे। ई गांवन के आदमी ओर ओरते इलाज ओर डिलेवरी खे लाने कबरई सरकारी अस्पताल आउत हे। पे्रम कहत हे कि दो महिना पेहले सुरहा गांव से मातादीन के कोनऊ की तबियत खराब हो गई हती। ऊ लेके कबरई अस्पताल जात हतो। सड़क खराब होंय के कारन उटिंया ओर गहरा गांव के बीच में जीप पलट गई हती। जीसे सब घायल हो गये हते। ई रास्ता में सबसे ज्यादा ट्रक चलत हे। सरकार हमसे बराबर टैक्स लेत हे, पे सड़क के लाने कोनऊ ध्यान नई देत हे।
विभाग वाले बड़ी घटना इन्तजार करत हे। पी.डब्लू.डी. के अधिषासी अभियन्ता ए.एन. सिंह बताउत हे कि ऊ रास्ता हमाये विभाग में नई आउत हे। रास्ता खा बनवाये की जिम्मेंदारी ग्रामीण अभियन्ता सेवा की आय। ऊखे पास रास्ता के कागज हो हे