सड़क के देखौ हाल

जिला चित्रकूट, ब्लाक मानिकपुर, गांव बसिला। हिंया से लइके गनीवां फार्म तक 16 किलोमीटर सड़क दस साल से खराब पड़ी हवै। वहिका लिखित 16 फरवरी 2014 मा पी. डब्लू. डी. विभाग मा दीन गा हवै। पै आज तक कउनौ सुनवाई नहीं भे आय।
हिंया के चुन्नु लाल, चन्द्र प्रकाश इनका कहब हवै। कि या सड़क मा आवै जायें वाले बहुतै परेशान रहत हवै। जउन एक घण्टा लागत रहै तौ ढाई घण्टा लागत हवै। या सड़क मा बड़े बड़े गढ़वा हवै पैदर जाय वाले मड़इन के पत्थर चिटक के लाग जात हवै। पै शासन प्रशासन हाथ मा हाथ धरे बइठ हवै। का जबै कुछौ घटना घट जई तबै शासन प्रशासन ध्यान देई साधन निकरत हवै तौ पलटै से बच जात हवै।
कर्वी पी.डब्लू.डी. विभाग के सहायक अभियन्ता एस. दास का कहब हवै कि सोलह किलोमीटर सड़क फरवरी 2015 के महीना मा पास भा हवै। बजट अबै खाता मा नहीं आवा। आई तौ काम शुरू करवा दीन जई।