चित्रकूट जिला, ब्लाक मानिकपुर, गांव खरौंध के पुरवा गढ़ीखुर्द खातिर पांच सौ मीटर 2017 मा बने का रहै। तबै 28 जून 2017 का विधायक आर के पटेल सड़क बने का उद्घाटन भी करिन रहै। पै अबै तक या सड़क नहीं बनी आय। सड़क अउर पुल टूटे से मड़इन का ऐंचवारा गांव से घूम के जायें का पड़त हवैं। रात-बिरात कउनौ मड़ई बीमार होइ जात हवै तौ गांव मा एम्बुलेंस नहीं आवत आय।
भाऊराम बताइस कि हिंया के आबादी छह-सात सौ हवै गांव के सबै मड़ई यहै सड़क से निकलत हवैं। रमेश का कहब हवै कि सड़क मा वाहन फंस जात हवै तौ धक्का दे वाला कोउ नहीं रहत आय। राजेश का कहब हवै कि सड़क खराब होय से स्कूली बच्चा टूट पुल से निकलत हवैं। रामकृष्ण रैकवार अउर संगीता का कहब हवै कि घूम के जायें मा देरी लागत हवै यहै कारन हम पुल के ऊपर से जइत हवैं। सुमित्रा बताइस कि बच्चा पुल से निकलत हवैं तौ गिर जात हवैं अउर घूमके जायें मा तीन किलोमीटर पड़त हवै।
विधायक आर के पटेल का कहब हवै कि बुंदेलखंड विकासनिधी से सड़क बनें का बजट पास होइगा हवै।जेहिमा एक किस्त का रुपिया आ गा हवै तौ सड़क मा माटी अउर मोरम डाल दीन गा हवै। आगे का काम जल्दी करावा जई।
रिपोर्टर- नाजनी रिजवी
Published on Jan 4, 2018
