खबर लहरिया औरतें काम पर विरोध पै जान से मारै कै दियत रहा धमकी

विरोध पै जान से मारै कै दियत रहा धमकी

Pura - Ayodhya Thana webजिला फैजाबाद, कस्बा अयोध्या। हिंआ के संस्कृत महाविद्यालय मा पढ़ै आय छात्रा का कमरा देवावै के बहाना से प्रापर्टी डीलर सर्वेश कुमार यादव धमकी दइकै तीन महीना तक बलात्कार करिस। 9 जुलाई 2015 का अयोध्या कोतवाली मा शिकायत कीन गै। आरोपी का गिरफतार कइके जेल भेजिन।

छात्रा कै कहब बाय कि हम जिला मऊए थाना हलधरपुर कै रहे वाली होई। हम 14 मई 2015 का शास्ती द्वितीय वर्ष कै परीक्षा दिये त्रिदंडदेव संस्कृत महाविद्यालय रामकोट आय रहेन। तौ महाविद्यालय मा परीक्षा कक्ष के तलास के समय सर्वेश कुमार यादव निवासी ग्राम सिंधौरीए थाना सफदरगंजए जिला बारांबकी कै रहै वाला मिला। ऊ प्रापर्टी कै काम करत रहा पढ़ाई का लइके बात हुअत रहा। फिर हम कहेन कि हिंआ हमे रहे का किराया पै मकान चाही तौ कहिन हम देवाय दियब। फिर हमका मोहल्ला अहिराना निवासी ऊषा उपाध्याय के आवास पै किराया कै कमरा देवाय दिहिन। वकरे बाद रोज हमरे कमरा पै आवै लागे। अउर हमरे साथे जबरदस्ती बलात्कार करत रहे। विरोध करे पै जान से मारे कै धमकी दियत रहे। फिर 9 जुलाई 2015 का हमार बहिन.भाय गंाव से आये तो सर्वेश वन्हूं का जान से मारे कै धमकी दियै लागे। तब हम महिला हेल्प लाइन 1090 पै फोन कइके पूरी कहानी बतायन। अउर फिर पुलिस का बलावा गै।

मकान मालिक ऊषा उपाध्याय कै कहब बाय कि हमैं पति.पत्नी बताय के तीन महीना से कमरा लिहे बाटे अउर कहिन कि हमरे दुई गेदहरा बाटे।

अयोध्या कोतवाली कै कोतवाल अमित सिंह बताइन कि युवती के तहरीर पै धारा 376 ;बलात्कारद्ध 342 ;जबरदस्ती वाहन में बिठानाद्ध 506 ;जान से मारने की धमकीद्ध भारतीय दण्ड विधान के तहत रिपोर्ट दर्ज कइकै सर्वेश का गिरफतार कइकै जेल भेज दीन गै। युवती कै मेडिकल करावा जात बाय।