खबर लहरिया बाँदा लोहिया योजना का पूर होइगा समय, नहीं मिली कालोनी

लोहिया योजना का पूर होइगा समय, नहीं मिली कालोनी

kaloni ke manga jakhora ganva banda se pez copyजिला बांदा, ब्लाक बड़ोखर खुर्द, गांव जखौरा। हेंया के शांती, मुन्नी अउर कल्लू 30 मार्च का एस.डी.एम. का दीन गे दरखास मा आरोप लगाइन कि उनका गांव 2015-16 खातिर राममनोहर लोहिया समग्र योजना के तहत चुना गा रहै। यहिके बाद भी हम पात्र लोगन का कालोनी अउर शौचालय नहीं दीन गे आय।
मुन्नी अउर शांती का कहब है कि हम गरीबी रेखा से नीचे जीवन यापन करैं वाले दलित मजदूर आहिन। हमार बी.पी.एल. सूची मा नाम भी है अउर लाल राशन कार्ड भी बना है, पै बिना रूपिया प्रधान कालोनी अउर शौचालय नहीं दिहिस आय। लोहिया योजना के साल बीत गे, जउन नौकरी पेशा अउर पइसा वाले है। उनका प्रधान देवाइस है। हम मेहनत मजदूरी कइके पेट पालत हन, तौ इतना रूपिया कहां से देन। यहिसे एस.डी.एम. का दरखास दइके कारवाही के मांग कीन है।
पंचायत मित्र बाबू का कहब है कि उंई लोगन का पात्रता सूची मा नाम निहाय। या मारे कालोनी नहीं दीन गई।
एस.डीएम. अनुज कुमार कहत है कि या मामला के जांच कराई जई। अगर मामला गलत पावा गा तौ कारवाही कीन जई।