लखनऊ सिटी स्टेशन के पास तकिया फलाश बाग़ मा उच्च न्यायालय के आदेश के बाद करीब 40 घर तोड़ दीन गए बाय। फिलहाल अब काम रोक दीन गा बाय।
तकिया फलाश बाग़ कै रहै वाली रायब बानों कै कहब बाय कि हमरे सबका इंसाफ चाही अउर कुछ नाय। महरूननिशा कै कहब बाय कि हमरे घर कै मनई न कहूँ जाय पावत अहै न आय पावत अहैं। हियाँ कमसे कम चार से पांच सौ परिवार कै मनई रहाथिन। यहि परिवार कै यतनी बुरी दशा बाय की पानी तक नाय मिल पावत बाय। बिजली भी हटाय दीन गय। केहू सुनवाई नाय करत बाय कैसेन सरकार बाय। का सिर्फ गुन्दन के ताई सरकार बनीं बाय?
अरमान कै कहब बाय कि हमरे दादी का मारिन अउर हमार घर तूरी दिहिन हमरे सब यतना गर्मी मा सडट हई पुलिस वाले तोड़फोड़ मचाय के चला गईन। महरूननिशा कै कहब बाय की हमरे सबके साथे बहुत बत्तमीजी कीन गए बाय। लेडिज अउर जेंट्स पुलिस द्वारा हमरे सबकै सामान खीचके बाहर फेक दीनगा फिर भी हमरे सब बहुत लड़ेंन। अब हमरे सब कहाँ जाई कहाँ रही सबसे बड़ी चिंता बाय।
बाईलाइन-नसरीन
Published on Nov 3, 2017
