जिला महोबा, ब्लाॅक जैतपुर, गांव अजनर, मोहल्ला होरी डाढ़ा। एते को रास्ता पांच साल से खराब परी हे। आदमी गिलाओ से निकरे खा मजबूर हे। ईखे बनवाये के लाने प्रधान भी कोनऊ ध्यान नई देत हे।
साठ साल की तुलसारानीकहत हे की हमाये एते की रास्ता मे पानी भरो रहते हे। हम बूढ़ आदमी गिलाओ मे हेल के निकरत हे। रास्ता बन जाये तो नींक हो हे।
, रामऔतार ओर लल्लू कहत हे की दो साल पेहले शीशी रोड बनो हतो। ऊ भी खुद गओ हे। शीशी टूटी होंय के कारन पानी नई निकर पाउत हे। पूरे रास्ता मे गन्दो पानी भरो रहत हे। बूढ़ आदमी ओर छोट् बच्चा नईं निकर पाउत हे। एई से हम प्रधान से रास्ता बनवाये की मांग करत हे।
सन्तू ओर राजकुमार कहत हे की रास्ता खराब होंय के कारन हमाये बव्वा खेल नई पाउत हे। गन्दा पानी भरे के कारन मच्छर भी बोहतई लगत हे। जीसे मलेरिया जेसी गम्भीर बीमारी हो जात हे। एसे सूखा मे हम काय-काय को रूपइया पुजा पेहे। पेट पाले खा मुश्किल परत हे। अस्पताल अगर जाओ दवाई कराउन तो पांच सौ रूपइया से कम नई लगत हे।
प्रधान सरोज को आदमी ब्रिजेन्द्र द्विवेदी कहत हे की ओते पांच सौ मीटर की रास्ता बनवाये के लाने दो महीना पेहले प्रस्ताव बना के ब्लाक मे डार दओ हे। जभे बजट आहे तो रास्ता बनवा दई जेहे।
रिपोर्टर – श्यामकली
