खबर लहरिया औरतें काम पर यइसेन जीत कै कवन फायदा?

यइसेन जीत कै कवन फायदा?

mahila muddaजिला फैजाबाद, निरालानगर। हिंआ कै गीता सिंह क्षेत्र पंचायत चुनाव मा खड़ी रहिन। जवन सतहत्तर वोट से जीत गइन। खबर लहरिया कै पत्रकार उनसे मिलै गए। मोहल्ला कै केहू उनका जानत नाय रहा।
खबर लहरिया कै पत्रकार दुई किलोमीटर चलके रास्ता पूंछत उनके घरे पहंचिन कि जाना जाए महिला उम्मीदवार हुवय इनकै काव सांच बाय। गीता सिंह बताइन कि हमै सिर्फ यतना पता बाय कि हम सिर्फ जीतगै हई। हम कहियों प्रचार मा बाहर नाय निकरेन। यतना बतायके वै अपने पति का बुलावै गइन। खबर लहरिया कै पत्रकार उनके सास अउर बिटिया से पूछिन कि प्रचार मा के जाथै? बहुत पूछैे के बाद गीता बताइन कि यहि बैंक कालोनी, घोसियाना अउर निरालानगर से हम जीती हई। इनके सब हमैं जिताये अहैं तौ हम इनके सबके ताई कुछ काम करब। पर कवन काम करइहैं। कउनौ काम कै जरूरत बाय तौ वै पति कै इन्तजार करै अउर सास के डांट के डर से कुछ नाय बोल पाइन।