खबर लहरिया बाँदा मुख्यमंत्री के वादा कबै पूर होइहैं

मुख्यमंत्री के वादा कबै पूर होइहैं

sampaadakiya - ab jamkar padhaaiजिला बांदा, ब्लाक नरैनी, कस्बा बदौसा, बरछा बा। हेंया कइयो बिटिया बताइन कि सरकार कन्या विद्या धन योजना तौ लागू कर दिहिस है। पै ई योजना के लाभ पावैं खातिर कइयो दरकी कामता प्रसाद शास्त्री महा बिद्यालय के प्रिन्सपल जागेश्वर शुक्ला के पास फारम जमा कीन है। अबै तक कउनौ पता निहाय।
इण्टर पास बिटिया आरूशी बताइस की जनवरी से मार्च तक मा दुई दरकी लैपटाप अउर कन्या विद्याधन का फारम भर के जमा कीने हौं। एक फारम मा एक हजार रूपिया का खर्चा लागत है। बीस हजार के आय प्रमाण पत्र वाले छात्रन का या लाभा मिल गा है। चैविस से अठाइस हजार वाले छात्रन का रूपिया नहीं मिलत आय। या समस्या बतावैं मा सुनीता, रोशनी अरिका शामिल रहैं अंख्या के महतारी राखी भी बतावत रहै की हमार बिटिया पढ़ै मा होशियार है। अबै तक वहिका कउनौ लाभ नहीं मिला आय। प्रिन्सपल जागेश्वर शुक्ला का कहब है कि जिनका कन्या विद्याधन मिलै का रहा है, तौ उनका मिल गा है लैपटाप के फारम अतर्रा डिग्री कालेज मा जमा है। हमरे हिंया निहाय।
जिला विद्यालय निरीक्षक के समन्वयक गुरूदत्त का कहब है कि कन्या विद्याधन का रूपिया एक दरकी मा नहीं मिलत आय। सबसे पहिले अठ्ठारह से इक्किस हजार के आय वालेन का मिला है। अब चौबीस हजार से पैतिस हजार की आय वालेन का मिली। काहे से पहिले सरकारी डिग्री कालेज मा पढ़ै वाले छात्रन मिली। यहिके बाद मान्यता प्राप्त डिग्री कालेज अउर संस्कृत महाविद्यालय के बिटियन का कन्या विद्याधन मिली। लैपटाप पास होईगे है। वहिके धरैं खातिर जाघा भी पास होई गे है। सरकारी कोषागार मा धरे जइहै फेर बांटै जइये।