खबर लहरिया चित्रकूट मीनू के हिसाब से नहीं बनत खाना

मीनू के हिसाब से नहीं बनत खाना

DSCN0010चित्रकूट जिला, ब्लाक रामनगर, कस्बा रामनगर। हिंया के प्राथमिक स्कूल मा मिड्डेमील का खाना मीनू के हिसाब से नहीं बनत।
स्कूल मा पढ़ै वाले बच्चन का कहब हवै कि मीनू के हिसाब से खाना खाये का नहीं मिलत। स्कूल मा कत्तौ तहरी तौ कत्तौ खिचड़ी बस खाये का मिलत हवै। यहै खाना खाये का मन नहीं करत आय।
सहायक मास्टर गयावती का कहब हवै कि स्कूल मा कुल दुइ सौ दस बच्चा हवैं। दूध नहीं मिलत आय। या कारन खीर अउर पूड़ी नहीं बनत आय। मीनू के हिसाब से रोजै खाना बनत हवै। खबर लहरिया पत्रकार 18 अक्टूबर का देखिन कि वा दिन खिचड़ी बनी रहै। जबै कि वा दिन खीर पूड़ी बनै का रहै। आधे से ज्यादा बच्चा खिचड़ी नहीं खाइन।
रामनगर बी.आर.सी. विभाग के समन्वयक अखिलेश कुमार पाण्डेय का कहब हवै कि जांच कीन जई कि कउन कारन से मीनू के हिसाब से खाना नहीं बनत आय।