मार के करो घायल

जिला महोबा, ब्लाक कबरई, गांव तिंदुही पचपहरा। एते 14 जुलाई 2013 खे पुरानी लड़ाई के मुकदमा में राजी न होय खा लेके लड़ाई भई हे। जीमें कलुआ, तेजनारायण ओर गांव के रमेश ने चुनुबाद खे जान से मारे की कोशिश करी हे। मोके में पुलिस पांहच के चुनुबाद खे ईलाज करायें के लाने अस्पताल भेजो हे।
चुनुबाद ने बताओ कि एक साल पेहले रैबली ओर रमेश खेत से जानवर ओर टैक्टर निकारंे खा लेके मारपीट भई हती। जीखो मुकदमा चलत हतो। अभे 14 जुलाई 2013 खे सुबेरे में तीन हजार रूपइया लेके कना ले इचैली गांव जात हतो। तभई गली में मोओ लड़का कलुआ ओर नाती तेजनरायन ओर रमेश ने मार के अधमरा कर दओ। तीन हजार रूपइया निकार लए, ओर कहत हतो कि मुकदमा राजी न हो हे, तो जान से मार देहों। मोई ओरत रामकली खे घरे जाके मारो हे। जीसे ऊखो हाथ टूट गओ हे। जभे ऊ मोए मारत हतो तो कोनऊ बचाउन नई आओ। जभे में बेहोश हो गओ तो खन्ना थाने की पुलिस आई ओर मोए इलाज खे जिला अस्पताल में भर्ती कराओ। खन्ना थाने के मुन्शी कमला प्रसाद ने बताओ कि ऊखी रिपोर्ट धारा 325, 308, 504, 506 के तहत लिखी गई हे। ऊ तीनऊ कोर्ट में .हाजिर हो गए हंे।