खबर लहरिया बुंदेलखंड मांस मण्डी हटवाये के लाने दई दरखास

मांस मण्डी हटवाये के लाने दई दरखास

mahoba kasba copyजिला महोबा तहसील मे 23 मई खा बजरंग दल के युवाओं ने एस.डी.एम. खा ज्ञापन दओ हे। दये ज्ञापन मे मांस मण्डी खा बस्ती से बाहर हटवायें की मांग करी हे। मांग पूरी न होंय पे अनिश्चित काल धरने के मे बेठे की बात कही हे।
एडवोकेट नीरज रावत, मनीष कुमार ओर मयंक तिवारी कहत हे की हम लोग 2002 से दरखास देत हे। आज तक कोनऊ ने हमाये ज्ञापन मे ध्यान नई दओ हे। बस्ती बीच मे मांस मण्डी बनी हे। ओते के दुकानदान मुर्गा, बकरा काट के खुला मे टांग देत हे। जीसे आयें जायें वाले आदमियन खा केऊ तरह की परेशानी होत हे। जभे की ईखे लाने नगर पालिका की तरफ से राठ रोड मे दुकान बनवा दई हे। फिर भी दुकान नई हटाई जात हे। हेमन्त श्रीवास, प्रमोद, अंकित ओर रवि कहत हे की 25 फरवरी 2015 मे एक हफ्ता अनशन करो हतो। गयारह हजार आदमियन के दसखत बनवा के दये हते। जीसे आबादी के बीच से मांस मण्डी हटवाई जा सके। अगर हमाई मांगे पूरी न हो हे तो हम लोग फिर अनशन करें खा मजबूर हो जेहे।
महोबा एस.डी.एम. सुशील प्रताप सिंह ने दरखास खा गम्भीरता लेके। जल्दी मांस मण्टी कस्बा से आबादी के बाहर करायें को अश्वासन दओ हे।

रिपोर्टर –सुनीता प्रतापति