जिला महोबा, गांव मुढ़ारी प्रधानमंत्री की उज्वला योजना के तहत गांव के हर बी पी एल परिवार को गैस कनेक्शन मिलने तो। लेकिन मूढ़ गांव में आज भी केऊ एसी महिलाये हे जो जंगल से लकड़िया लेयाबे को मजबूर हे। काय के उने अबे तक गैस कनेक्शन नइ मिलो।
कमला ने बताई के हम परेशान हे हमे गैस कनेक्शन नइ मिलो। देव कुवर ने बताई के हमाओ फार्म भी भरो लेकिन अबे तक हमाओ गैस कनेक्शन नइ भओ। हमने तीन बार फार्म भी भरो और हमाओ हमाये लड़का को लिस्ट में नाम भी आ गओ तो हमने देख भी लओ लेकिन अबे तक नइ मिलो हमे।
कैलाश रानी ने बताई के हमे अबे तक गैस कनेक्शन नइ मिलो गरीब आदमियन को सो दे नइ रए और बड़े बड़े आदमियन को सबको मिल गई। अब हम का जलाबे। आलोक एजेंसी लीडर ने बताई के अगर डाटा में चार आदमियन के एक संगे नाम हे तो एकइ गैस कनेक्शन मिल हे और अगर अलग अलग हुए तो अलग अलग मिल हे।
गैस कनेक्शन जब फार्म ऑनलाइन चढ़ जात सोई मिलत अबे तक लगभग तीन हजार के आस पास गए सिलेंडर।
रिपोर्टर- श्यामकली
Published on Jan 4, 2017
