महोबा के पनवाड़ी के बजनपुरा मोहल्ले में हर बरसात में यही हाल

जिला महोबा, ब्लाक पनवाड़ी ,बजनानपुरा मोहल्ला में पुराने नाले का पानी लोगो खे घरन मा घुस जात हे। ई खे मारे लोग बहोतई परेशान रहत।
एते रैबे वाले रामसेवक कहत है कि जभे हम पैदा भये ते तबही से देखत हें ई नाला तीस फुट गहरो हें बच्चन का बड़ी परेशानी होत हें।
पानी में ही खड़े रहत हें न टट्टी जा पात ना कहू जा पात है।
अबे हमाए दो नाती गिर गये ते उनखा तो देख लओ तो सो निकार लयो तो।
रामदयाल कहत हे कि जब पानी बरसत हे तब हमाय घर मा पानी भर जात हे तो हम कमर मे जोरा बांध के छल्ला में बांध लेत हें ओर ऐसे गीले मा खड़े रहत हें ओर हमाओ नाज पानी और कपडा लत्ता सब गीले हो जात हें। हम बहोतई परेशान हें ।
रामबाई ने बताई के हम अबे बीमार हो गये थे पानीके मारे गीले में ठाडे रहत हें।
अजुधि ओर ज़ीतेन्द्र ने बताई के इते आदमी बोह्र्तई परेशान हें कोनऊ के तो घर गिर परे।
जब विधायक आयते सो कह रहे थे की हम सही करवा दे हें। और जो भी आत कहत के ठीक करवा देहे लेकिन कोऊ नई करवात।
एक दिन यहा एक रिक्शा गिर गयो तो आदमियन ने देख लिओ तो सो सबने मिल के निकारो।
ऊमे बैठे सब आदमियन कों चोट आई थी और एक दिन एक मार्शल गिर गई ती सो ऊमे बच्चा बेठे थे तो आदमियन ने देख के जल्दी निकारो सब दब गये थे।
प्रधान अखिलेेश का पति संजय दुबे कहत हे कि अबे हमे छह महीना हुए हें ओर सब काम सुचारू रूप से चल रहे हें।
अभी कुछ दिन पेहले नाले की सफाई करवाई हती अब धीरे धीरे विकास होहे।