खबर लहरिया बुंदेलखंड महोबा के कबरई ब्लॉक का पिपरा माफ़ गाँव में नहीं हैं मूलभूत सुविधाएं

महोबा के कबरई ब्लॉक का पिपरा माफ़ गाँव में नहीं हैं मूलभूत सुविधाएं

जिला महोबा, ब्लाक कबरई ,गांव पिपरा माफ़ गांव मा नई हे जरूरी सुविधा। इका भाजपा के सांसद मोर पुष्पेन्द्र सिंह ने गोद लें हें। ई गांव मा कोनऊ सुविधा नईया बिजली ,स्कूल ,स्वास्थ केंद्र,पानी,सड़क,राशन,कोनऊ भी सुविधा नईया।
एते खे रामप्यारी कहत हे कि सब कछु खे परेशानी हे न डाक्टर हे न स्कूल हें छोट छोट भरे लड़का बच्चा पिपरा जात हे।तारादेवी ने बताई के पानी की बड़ी परेशानी हें। कोटेदार राशन नई देत।
सुजानसिंह और कुअर बहादुर कहत हें की कोनऊ सुिवधा नईया आवे जावे में परेशानी होत हें।ब्याह में परेशानी होत अबे हम एक जगा ब्याह के लाने गये तो बे कहत के तुमाए एते बिजली नईया हम न करे तो हमने कई ना करो। और जी की हो जात हें तो जो सामान मिलत हें तो बो टीबी पंखा सब खराब हो जात हें धरे धरे।
बिजली के बिना और पंखा नई चलत सो मच्छर काटत सो आदमी बीमार रहत है और बीमारी फैली रती।
नवाबसिंह,आशीष सिंह और हरभजन ने बताई के बरसात भर बच्चा स्कूल नई जा पात। बच्चन को दूर जाने परत स्कूल सो साईकिल से जात और बरसात भर तो बच्चा जा नई पात बरसात के बाद ई जा पात ।और बीजली के मारे बच्चा पढ भी नई पात। हरिभजन, रैकवार कहत हें के जब हम हाईस्कूल में हते तो हमाओ सामाजिक विज्ञान को पेपर हतो सो हमने लालटेन से पढो जब तेल ख़त्म हो गओ सो हम पढ़ नई पाए और हमाओ आधो पेपर नई कर पाय ते हम।और पढ नई पात कोई।
नीलम कहत हें की अगर दबाई लेने या बजन कराने बचन को टीका लगवाने तो भी बाईस किलो मीटरदूर नौ गांव जाने परत हें।कोऊ पिपरा जात। बादशाह सिंह भाजपा प्रभारी कहत हें एक करोड़ पैतीस लाख रुपिया आओ हें
प्राथमिक स्वास्थ्य केंद्र के लाने जगा न मिलबे, पे काम रुको हें।और बी एस नल को टावर लगवा दओ हें जीसे लोगन को दूर संचार की सुविधा हो। सहकारिता विभाग से गेंहू खरीद की अनुमति हती लेकिन जा साल सूखा होवे के मारे नई हो पाई की सारी सुविधा कओ लाभ ले पाबे।
25/07/2016 को प्रकाशित

गोद लिए हुए एक और गाँव को भूल गए सांसद
महोबा के कबरई ब्लॉक का पिपरा माफ़ गाँव में नहीं हैं मूलभूत सुविधाएं